Page 18 - b16-aktuell-september-2018

Vereinsnachrichten

Trink a zwoate Tass Kaffee!
Es gibt so Doog,
do mächst d‘ am liabsten
einfach nur im Bett liegn bleibn,
weils d‘ woaßt,
der Doog, der bringt dia nur Verdruss.
In olla Früah steht gleich a Arztbsuach o,
dann hod da Klassnlehrer di in‘d Sprechstund bstejt,
drauf wart‘ a schwierigs Kundsgspräch,
und aa a Meeting mit deim Chef.
Es gibt so Doog,
do mächst d‘ am liabsten
einfach nur im Bett liegn bleibn,
weils d‘ woaßt,
der Doog, der bringt dia nur Verdruss.
Am Nachmidoog muaßt ‚s Auto no beim Tüv vorfohrn,
a Handwerker, der schaut se die kaputte Heizung o,
und hättst d‘ dann endlich Feierobnd,
muaßt auf a fade Sitzung im Verein.
Es gibt so Doog,
do mächst d‘ am liabsten
einfach nur im Bett liegn bleibn,
weils d‘ woaßt,
der Doog, der bringt dia nur Verdruss.
Doch vo dene Doog gibts vui,
dei hoiberts Leben lang
müaßatst du im Bett liegn bleibn!
Drum steh an soichne Doog a bisserl frühra auf
und brüah dein Kaffee extra stark,
drauf leg dei Lieblingsliadl ei,
drahs richtig laut,
draam a wengerl vor di hi -
und dann - dann trinkst in olla Ruaha zwoate Tass Kaffee!

Lesung mit dem
Wenzenbacher Mundartautor
Andreas Dick
Am Dienstag, den 18. September 2018
um 19.30 Uhr liest
Andreas Dick
im Gasthaus Gambachtal
in Fußenberg
aus seinem neuerschienenen Buch.

- 18 - B16 aktuell September 2018